TIRANË– Përgjimet në qeli kanë qenë ata që i bënë “gropën” nënë e bir, Rozeta e Havier Doni, të cilët vodhën 120 mijë euro në banesën e Alda Klosit, ish-shefes së Kabinetit të Arben Ahmetaj. Por jo vetëm kaq pasi ndaj saj janë ngritur dhe tre procedime të tjera për vjedhje në shtëpi të tjera ku ajo punonte si pastruese.
Ata janë përgjuar teksa flisnin me njëri-tjetrin edhe për vlera të tjera parash që i kanë akoma në banesë dhe që nuk janë gjetur nga policia.
Diskutimi i nënë e bir ka qenë me kode, duke u shprehur se paratë janë lart në shtëpi, të cilat do i përdorte Rezeta për të nxjerr Havierin nga burgu, pasi plani i të dyve ishte që fillimisht 23-vjeçari të merrte përsipër fajin.
“Shyqyr që gjetën 80.000, jo lekët që kemi fshehur të aspiratori”, është thënë në bisedë e sipër.
Vjedhja ka ndodhur më datë 15 dhjetor kur në shtëpi nuk ndodhej askush. Rozeta Dobi punonte si pastruese në shtëpinë e ish-zyrtares së lartë në Kryeministri. Paratë janë vjedhur në kohë të ndryshme. Pasi kishin kryer grabitjen e fundit Dobi dhe i biri Havier Dobi e kthyen shtëpinë “përmbys” për ta bërë të dukej si grabitje. Pas kontrollit në shtëpi atyre iu gjetën dhe 404 mijë dollarë të tjerë, mijëra euro dhe bizhuteri, të cilat ishin fshehur në tubin e aspirimit. Rozeta e Havier Dobi e pranuan krimin para uniformave blu. Havieri me paratë e vjedhura kishte blerë makina luksi, të cilat i ekspozonte në rrjetet sociale.
