TIRANË– Po zhvillohet me debate të forta seanca plenare e kësaj të hëne. Debati prevaloi që në momentin që ministrja e Turizmit Mirela Kumbaro teksa po fliste për vendosjen e traut në hyrje të Parkut të Kravastasë, i cili do e kthejë hyrjen në këtë park me pagesë kishte marrë me vete para ‘të shkoqura’ për t’u treguar deputetëve demokratë se sa pak duhet të paguash që të futesh brenda.
Në mbyllje të fjalës ajo iu drejtua kolegëve opozitarë por në veçanti deputetes Ilda Dhori duke i thënë se paratë e shkoqura i ka lënë aty që t’i marrë nëse i duhen për të hyrë në park. Në replikë të Kumbaros deputetja e Fierit Ilda Dhori u shpreh se kjo është tallje dhe e quajti veprimin e ministres të neveritshëm.
Mirela Kumbaro: Mirë pra, e mbarsët malin dhe prodhuat disa qindarka, 10, 20 e 15 se aq është tarifa, edhe për të ngrënë, u bëj ftesë sot për ta vizituar, gëzuar dhe ju pres kur ta hapim. Ua kam lënë këtu lekët e vogla.
Ilda Dhori: Kjo është e neveritshme, sesi një ministre tallet, lë lekët këtu.
