VLORË: Policia ka bërë me dije se para pak orësh ka ndodhur një konflikt për arsye banale në vendin e quajtur “Kryqëzimi i Kampit”, në Dhërmi.
Një 23-vjeçari ka rrahur dhe goditur me sende të forta shoferin në Himarë. Shoferi i plagosur, i identifikuar si Asllan Mecaj, 55 vjeç është transportuar në spital për ndihmë mjekësore.
Ende nuk dihen shkaqet e konfliktit e ndërsa policia po punon ende për zbardhjen e rrethanave të ngjarjes.
NJOFTIMI I POLICISË:
“Sot, rreth orës 15:50, në vendin e quajtur “Kryqëzimi i Kampit”, në Dhërmi, dyshohet se pas një konflikti për motive të dobëta, shtetasi H. L., 23 vjeç, ka goditur me grushte, duke e dëmtuar rëndë në kokë, shtetasin A. M., 55 vjeç, i cili ndodhet në spital, nën kujdesin e mjekëve”.
