TIRANË– Debat i fortë mes kryeministrit Edi Rama dhe deputetit demokrat Gazment Bardhi. Në momentin që deputeti demokrat i kujtoi kreut të qeverisë oligarkët debati ka prevaluar në fyerje personale. Kryeministri i drejtohet Gazment Bardhit me fjalët palaço ndërsa deputeti me fjalët mafioz dhe legen. Situata është nxehur në momentin që Bardhi ka tentuar të afrohet në vendin e ktreut të qeverisë, kjo ka bërë që Garda të ndërhynte.
DEBATI:
Edi Rama: Për të ardhur keq që kjo gjuha me mafie kriminelë e intimidime është bërë buka e përditshme e çdo fjalimi e ndërhyrje për procedurë e të gjithëve bashkë me ose pa vulë. e vërteta është ndryshe. Grupi i PS nuk funksionon në mënyrë klandestine. kur ka vendime politike e vendimmarrje të unifikuara politikisht ne marrim vendime. Ne nuk e kemi një vendim të tillë, kur të vijë momenti do jua shpjegoj pse. Ne kemi marrë përsipër propozimin për Avokatin e Popullit në të shkuarën dhe nuk kemi sjellë këtu të votonte avokat të partisë tonë që kalon jetën duke bërë gjyqe kundër kundërshtarit. kemi gjetur figura që mund të kishin edhe pëlqimin me votë nga ju. Nuk kuptoj arsyen pse duhet t’ju japim llogari kë duam të votojmë?
Gazment Bardhi: Keni lënë gjurmë në tentativën për të kapur Gjykatën Kushtetuese.
Edi Rama: Për të kapur kë more? Ju më kujtoni atë shprehjen i gjëmoni bishtit, vazhdoni.
Gazment Bardhi: Zoti kryeministër nuk kemi asnjë problem. Këtu nuk ka rëndësi rregullorja, por urdhrat që jep kryeministri. Nuk kemi shqetësim se çfarë bëni ju. As kemi lypur gjë dhe as po na falni gjë, por ka një proces Kushtetues që kërkon 84 vota. Në 2017 e ruajtët ju traditën dhe Avokati i Popullit u votua me 84 vota. Ndoshta ju nuk jeni informuar por të dy kryetarët e grupeve kanë pasur një proces konsultimi dhe grupi juaj parlamentar ka përjashtuar 6 nga 11 kandidatët që kishim propozuar, nga pjesa e mbetur është e drejtë e PD të sillnim emër dhe avokatët nuk ndahen në të PD dhe PS..
Gazment Bardhi: Teatri që bëri kryeministri, po e them se bindja ime është se ti je 100% në dijeni, por drejtuesit më të lartë të grupit parlamentar kanë angazhuar mafiozë dhe oligarkë. Zamir Mane për shembull. Salillari shoku jot.
Edi Rama: Mos merrni emra nëpër gojë kot.
Gazment Bardhi: Mos u nevrikos kot. Oligarkët e tu mafiozët e tu. I le oligarkët tani mafiozët është problemi.
Edi Rama: Palaço, ti je palaço cirku.
