TIRANË– Deputeti i Partisë Socialiste Erion Braçe iu përgjigj ‘flakë për flakë’ ministres së Tutizmit dhe Mjedisit Mirela Kumbaro në lidhje me vendosjen e e traut me pagesë në hyrje të parkut të Divjakë-Karavastasë. Ministrja tha se trau ishte parashikuar që në viti n 2021 me firmë të deputetit të PS që në atë kohë mbante postin e numrit dy të qeverisë. Braçe tha se theksoi se VKM-ja që ka nënshkruar ai një vit më parë, nuk dikton që trau të vendoset në një rrugë nacionale, duke bllokuar çdo rrugë kalimi, duke sqaruar dhe pozitën e tij. Gjithashtu tregoi edhe detaje nga marrëveshja që kishte arritur me paraardhësin e Kumbaros në detyrë. Po ashtu deputeti socialist hodhi dhe akuza të forta. Gjatë fjalës së tij Braçe tha se nuk ka një përleshje për pushtet në Divjakë pasi pushteti, qëndron në duart e atyre që kanë prona e pallate, duke ‘shënjestruar’ kështu kolegët nga të dy krahët politik. Por ish-zëvendëskryeministri zgjodhi të mos përmende emra.
“Në Divjakë nuk ka asnjë përleshje për lekë, janë para për të hipur në kullë dhe varkë jo për të hyrë dhe dalë në park. Ka përleshje për një arsye se ky deputeti që shihni këtu nuk ka pallat në atë park, nuk jam unë, jo të ndërtuar por të grabitur para se Sali Berisha të ikte nga pushteti, është tjetër kush, edhe po të doni e vijojmë muhabetin, nuk jam unë që kam resort. Nuk jam unë asnjë kushëri, që ka një super resort që ka zabtuar detin. Nuk jam unë që kam një pallat, që ka hyrë në det dhe ka vjedhur një ishull të tërë, nuk kam asnjë kushëri, nuk kam as fis as farë që ka 110 hektarë në kularë dhe për sugjerim boll bëtë sikur ziheni me këtë qeveri se këto 110 hektarë i keni nga ajo qeveri. Divjaka nuk shqyhet për mjellma është liqen tjetër ai…E kam shumë të vështirë se jeni të dyja zonja; pse gënjeni? Do mundohem që t’ua provojë, me letra. Shqetësimi nuk ka lidhur me VKM e firmosur nga Erion Braçe. Shqetësimi ka lindur me këtë autorizim nga ARRSH që autorizon kryerjen e punimeve në Divjakë. Problemi është ky vendim, ky autorizim. Sjell një vendim të VKM 12.30.2021 që përcakton inventararin e akseve rrugore. Në të dyja nenet e VKM nuk kërkohet dhe detyrohet vendosja e një trau në rrugë kombëtare. Isha kundër dhe e nxorra jashtë herë nga mbledhja e qeverisë. Në aktin e parë nuk përjashtoheshin as banorët e zonës dhe tarifat ishin në dyfish më të lira. Por e lamë të lirë vendndodhjen e traut. Nuk thuhet askund që duhet në rrugë, sepse bie ndesh me Kodin Rrugor. Në Divjakë nuk ka përleshje për lekë midis pushtetit. Paratë që merren nga parku janë para për të hipur në kullë dhe për të parkuar makinën në brezin e rërës sepse Bashkia kryen pastrimin. Nuk ka përleshje se ky deputeti që shihni ju këtu, nuk ka pallat brenda në park. Nuk jam unë ai që ka pallat të dytë në park, është tjetërkush. Po të doni e vazhdoj muhabetin. Nuk jam unë deputeti që kam resort në park. Tjetra, nuk kam asnjë kushëri që ka të njëjtën sipërfaqe që është në krah të resortit. Nuk kam as fis as fare që tek kem 110 hektarë në kularë. Boll bëtë sikur ziheni me këtë qeveri se prej kësaj qeverie i keni ato hektarë,“, tha në fjalën e tij socialisti.
