GRAMSH– Një sherr verbal që më pas përfundoi në një konfortim fizik mes mes kreut të Partisë Socialiste të Gramshit, Enis Zani me vëllanë e kryetarit aktual të Bashkisë Klodian Taçe, Lorencin është regjistruar mbrëmjen e djeshme, në qytet rreth orës 21:00.
Mësohet se Lorenc Taçe, vëllai i kryetarit aktual të Bashkisë së qytetit Klodian Taçe, ka debatuar me fjalë me Zanin, për arsye që ende nuk dihen por që mendohen të kenë lidhje me fushatën elektorale që është pranë. E më pas debati ka degraduar në konflikt fizik që ka përfshirë edhe drejtorin e Ujësjellës Kanalizimeve Tajar Bicin.
Ndërsa të gjithë skenën e ka parë edhe ish-deputeti Besion Ajazi, i cili është kandidati i Partisë Socialiste për Bashkinë Gramsh. Por mendohet se edhe ai nuk ka ndërhyrë për të shuar gjakrat.
