FIER– Një përplasje me sende të forta është regjistruar mbrëmjen e kësaj të shtune mes dy persona në Fier. Ngjarja ka ndodhur në qendër të qytetit. Raportohet se dy persona pas një sherri të çastit janë përplasur me njëri-tjetrin duke u goditur me kaçavidë dhe dhe çekanë.
Policia bën me dije se 40-vjeçari i identifikuar me inicialet F.Sh për pasojë e sherrit ka marrë dëmtime në dorë, ndërsa 29-vjeçari i identifikuar me inicialet R.Ç ka përfunduar në rajon ku po merret në pyetje. Grupi hetimor ka mbërritur në vendin e ngjarjes dhe po punon për zbardhjen e saj. Ndërkohë kaçavida dhe një çekan që janë gjetur në vendngjarja janë sekuestruar në cilësinë e provës materiale.
NJOFTIMI I POLICISË:
Sot rreth orës 19:20, në rrugën “Jakova Xoxa”, shtetasi R. Ç., 29 vjeç, banues në Fier, pas një konflikti të çastit, ka goditur me sende të forta, shtetasin F. Sh., 40 vjeç, banues në Fier, i cili është dëmtuar në dorë. U shoqërua në Komisariat shtetasi R. Ç. dhe po kryhen veprimet procedurale hetimore. Grupi hetimor po punon për sqarimin e plotë të rrethanave të ngjarjes.
