TIRANË– Kandidati i primareve të Partisë Demokratike në Kamëz Shemsi Prençi është ‘përplasur’ në studion e ‘Euronews’ me deputetin demokrat njëherazi dhe Sekretari i Përgjithshëm i PD Flamur Noka. Debati erdhi pas akuzave të ngrutura nga Premçi në lidhje me procesin e primareve, ai tha se në listat e simpatizantëve ka pasur eksponentë të PS ndërsa demokratët ishin lënë jashtë. Kjo është mohuar nga Noka.
Pjesë nga debati:
Shemsi Prençi: Ju kam informuar që mbrëmë se në listat e PD-së e kishte emrin Dashamir Selimi, kryetar i PS dhe nuk e kishte Françesko Muça, kryetar FRPD-së Kamëz. Këtu është problemi që unë kam parë demokratët duke qarë jo pak por 3700 veta. I kam me video.
Flamur Noka: Miku im është shumë e thjeshtë të përbaltësh një proces më të mirin që është zhvilluar ndonjëherë në Shqipëri. Por unë jam i bindur dhe nuk dyshoj te vullneti dhe te besimi i anëtarëve të PD-së. Kurrë nuk ka ndodhur që të regjistrihet një socialist, ju kanë keqinformuar.
Shemsi Prençi: Unë nuk jam tërhequr nga gara, kam kontestuar procesin.
