TIRANË– Duket se kjo seancë plenare nuk do të jetë e qetë. Nisi me tensione të fotrta mes vetë demokratëve e pastaj me një debat të fortë mes Flamur Nokës dhe kryeparlamentares Lindita Nikolla.
Pas debatit Noka bllokoi foltoren dhe nuk pranon të iki nga aty. Duket se Linda Nikollën pas disa paralajmërimeve e “lëshuan nervat” dhe duke harruar që ka mikrofonin hapur bën një telefonatë ku vë në dijeni një tjetër person që po përjashton Flamur Nokën nga seanca. Mbetet ende e paqartë se me kë foli Nikolla por nga telefonata kuptohet që është një zonjë.
“Po e përjashtoj këtë (Flamur Noka) nga seanca. Jo mi, po e përjashtoj nga seanca,”dëgjohet në telefon Nikolla.
