KORÇË– Një aksident i rëndë është regjistruar këtë të premte në fshatin Voskop të Korçës. Raportohet se një punonjës policie i identifikuar me inicialet A.R gjatë kontrollit të territorit kundër kultivimit të kanabisit ka shfaqur probleme shëndetësore dhe për pasojë është rrëzuar në tokë dhe ka pësuar fraktura në kokë. Ai është transportuar menjëherë në spital dhe ndodhet nën kujdesin e mjekëve. Pritet të transportohet drejt Tiranës për mjekim të specializuar.
NJOFTIMI I POLICISË:
Rreth orës 13:00, në fshatin Voskop, Korçë, punonjësit të Komisariatit të Policisë Korçë, shtetasit A. R., të planizuar për kontrollin e territorit, me qëllim parandalimin e kultivimit të bimëve narkotike, gjatë kohës që kryente shërbimin, i janë shfaqur probleme shëndetësore dhe për pasojë, është rrëzuar në rrugë dhe ka pësuar frakturë në kokë. Aktualisht, punonjësi i Policisë ndodhet në spitalin e Korçës, në kujdesin e mjekëve dhe më pas do të transportohet në Tiranë, për mjekim të specializuar.
