DIBËR– Një aksident është regjistruar mesditën e sotme në Rrugën e Arbrit. Raportohet se një fadromë, e cila po punonte në segment ka rënë në një greminë duke lënë të plagosur rëndë drejtuesin. Shkak dyshohet të jetë bërë mosfunksioinimi i sistemit të frenimit. Ngjarja raportohet se ka ndodhur pranë tunelit të Murrizit, e se punonjësi i aksidentuar është transportuar me urgjencë për në spital.
Ndërkohë siç mund të shihet edhe në foto fadroma ka përfunduar poshtë nga një lartësi e konsideruar dhe e thepisur. Deri më tani bëhet me dije se i plagosuri është dërguar për një mjekim më të specializuar drejt Tiranës. Policia e Dibrës ende nuk ka dalë me një njoftim zyrtar në lidhje me ngjarjen
