POGRADEC- Një aksident ka ndodhur ditën e sotme në aksin rrugor Pogradec-Korçë, ku një 20-vjeçar, duke drejtuar automjetin tip “Audi” dyshohet se ka humbur kontrollin dhe automjeti ka dalë nga rruga. Për pasojë ka mbetur i plagosur vetë shoferi dhe pasagjeri 23-vjeçar. Ata janë dërguar menjëherë në ambientet spitalore për ndihmë mjekësore të mëtejshme.
Njoftimi nga policia
Më datë 19.07.2023, rreth orës 13:30, në aksin rrugor Pogradec-Korçë, në afërsi të fshatit Rëmenj, Pogradec, shtetasi A. L., 20 vjeç, banues në fshatin Vërdovë, Pogradec, duke drejtuar automjetin tip “Audi”, dyshohet se ka humbur kontrollin dhe automjeti ka dalë nga rruga. Për pasojë është dëmtuar vetë drejtuesi dhe shtetasi A. M., 23 vjeç, banues në Vlorë, pasagjer në automjet, të cilët u dërguan për mjekim në spitalin e Pogradecit. Grupi hetimor po punon për përcaktimin e shkaqeve të aksidentit.
