POGRADEC- Blutë e Pogradecit kanë vënë në pranga këtë të premte një 23-vjeçar pasi në bashkëpunim me dy të tjerë gjatë një konflikti për motive të dobëta, dyshohet se kanë goditur me grushte dhe i kanë hedhur në fytyrë, lëndë të dëmshme (sprajt), një vajze. Sipas policisë mësohet se kjo e fundit është jashtë rrezikut për jetën. Policia ka shpallur në kërkim dy bashkëpuntorët e 23-vjeçarit, personat me inicialet N. Ç., 39 vjeç dhe E. Ç., 40 vjeç, banues në Pogradec,
NJOFTIMI I POLICISË:
Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin G. D., 23 vjeç, banues në fshatin Buçimas, Pogradec dhe shpallën në kërkim shtetasit N. Ç., 39 vjeç dhe E. Ç., 40 vjeç, banues në Pogradec, pasi në lagjen nr. 2, Pogradec, këta shtetas, në bashkëpunim me njëri-tjetrin, gjatë një konflikti për motive të dobëta, dyshohet se kanë goditur me grushte dhe i kanë hedhur në fytyrë, lëndë të dëmshme (sprajt), një shtetaseje, e cila ndodhet jashtë rrezikut për jetën. Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.
