SHKODËR– Operatorët turistë në Liqenin e Komanit dhe në Lumin e Shalës dhe banorët janë ngritur këtë të shtunë në protestë pasi kundërshtojnë bllokimin e disa varkave nga Policia.
Në operacionin e Policisë u bllokuan 38 varka, 5 skafe dhe 1 traget që kishin mangësi në dokumentacion.
Ata janë mbledhur mëngjesin e sotëm dhe kanë bllokuar tunelin hyrës për në Koman. Në takimin me kryetarin e Bashkisë së Vaut të Dejës ata kërkuan më shumë kohë që të pajisen me dokumentacion për mjetet lundruese që i përdorin për transportin e turisteve. Ata thanë se bllokimi i varkave i penalizon dhe i dëmton ekonomikisht.
Kryebashkiaku Kristjan Shkreli përcolli mesazhin e autoriteteve ligjzbatuese e tha se operatorët duhet të plotësojnë kushtet për sigurinë e pushuesve.
