KORÇË– Operacion antidrogë në Korçë. Mësohet se operacioni i Policisë mbështetur nga Forcat e Ndërhyrjes së Shpejtë ka nisur në orët e vona të mbrëmjes dhe ka zgjatur deri në orët e para të mëngjesit. Mësohet se disa persona janë shoqëruar në Polici ndërsa tetë janë arrestuar.
Gjatë aksionit, janë kontrolluar dhjetëra banesa dhe lokale në Korçë. Në pranga janë vënë disa persona që merreshin me shpërndarje të lëndëve narkotike.
Deri më tani janë sekuestruar rreth 300 gr kokainë, 5 kg cannabis, po ashtu telefona, peshore, automjete si edhe sasi në euro dhe lekë. Pritet që Policia e Korçës të japë më shumë detaje në orët në vijim.
