SARANDË– Spiro Iljadhi, është pronari i lokalit ku ndodhi aksidenti tragjik që i mori jetën kamarierit 17-vjeçar Antonio Delilaj pasi e zuri poshtë ashensori. Iljadhi nuk është një emër i panjohur për Policinë pasi është përfshirë disa herë në incidente si dhe i ka shpëtuar një atentati ndaj tij.
Në 21 qershor të vitit 2021 ndaj tij u qëllua me 20 plumba por fatmirësisht ai shpëtoi. Një plumb e preku në bark por pas ndihmës mjekësore doli nga spitali. Autorë ishin dy vëllezërit Andrea dhe Visi Caushi, si dhe Redjan Hadëraj, të cilët u arrestuan nga Policia.
Po ashtu kreu i Partisë Demokratike Sali Berisha e akuzonte Iljadhin se i kishte prerë veshin një turisti.
