Ramush Haradinaj, kryetari i Alencës për Ardhmërinë e Kosovës (AAK), ka thënë se Policia e Kosovës është institucion model edhe për vendet e rajonit. Kjo ishte deklarata e tij me rastin e 24-vjetorit të krijimit të Policisë së Kosovës. Ai thotë se Policia e Kosovës është një prej sukseseve më të mëdha të shtetit të tyre, institucion ky që konsiderohet model edhe për vendet e rajonit.
Postimi i plotë i Haradinajt në rrjetin social ‘Facebook’:
“24 vjet të Policisë së Kosovës!
Policia e Kosovës është një prej sukseseve më të mëdha të shtetit tonë, institucion ky që konsiderohet model edhe për vendet e rajonit.
Ata vazhdojnë të jenë shembull i integritetit dhe profesionalizmit në shërbim të komunitetit. Policia jonë, me profesionalizëm e devotshmëri po e kryen detyrën e shenjtë të ruajtjes së rendit dhe ligjit. Andaj, shteti duhet ta ketë prioritet ofrimin e kushteve të favorshme, në raport me kompleksitetin e detyrave që kryejnë.
Mirënjohës të gjithë pjesëtarëve të Policisë, për shërbimin ndaj Atdheut. Kujtojmë me nder e respekt ata që ranë në krye të detyrës”.
