TEPELENË– Një 39-vjeçar i identifikuar me inicialet R.I është vënë këtë të hënën në prangat e Policisë së Tepelenës pasi dyshohet si posedues i një kasete metalike me 540 fishekë luftarakë në të, e cila u gjet në lagjen “Demokracia”. Arka me fishekë u sekuestrua në cilësinë e provës materiale. Materialet i kaluan Prokurorisë për hetime të mëtejshme.
NJOFTIMI I POLICISË:
Specialistët e Seksionit për Hetimin e Krimeve të Komisariatit të Policisë Tepelenë arrestuan shtetasin R. I., 39 vjeç, banues në fshatin Dukaj, Tepelenë, pasi dyshohet si posedues i një kasete metalike me 540 fishekë luftarak në të, e cila u gjet në lagjen “Demokracia” dhe u sekuestrua në cilësinë e provës materiale. Vijojnë veprimet hetimore për përcaktimin e përgjegjëisë penale të 39-vjeçarit, në lidhje me këtë rast. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
