TIRANË– Dymbëshjetë persona kanë rënë në prangat e Policisë 72 orëve për shkelje të rregullave të qarkullimit rrugor. Përmes një njoftimi për mediat Policia bën me dije se gjatë aksionit në autostradës Milot-Morinë janë pezulluar 118 leje drejtimi si dhe janë vendosur 2457 masa administrative: për shpejtësi mbi normën e lejuar, për shpejtësi dhe përdorim celulari, për shpejtësi dhe mosvënie të rripit të sigurimit, për shpejtësi, përdorim celulari dhe mosvënie të rripit të sigurimit gjatë drejtimit të automjetit, për parakalime të gabuara dhe mosvendosje të kaskës mbrojtëse.
“]
NJOFTIMI I POLICISË:
Siguria rrugore, një ndër prioritetet kryesore. Njësia Operacionale e Policisë Rrugore në Drejtorinë e Përgjithshme të Policisë së Shtetit, në bashkëpunim me Njësinë e Policisë Rrugore për sigurinë rrugore në Autostradën Milot-Morinë, Komisariatin Rajonal të Policisë Rrugore dhe Sektorët e Policisë Rrugore në qarqe, kanë vijuar monitorimet edhe gjatë natës, duke përdorur mjete inteligjente, radarë automatikë, dronë, kamera, aparate fotografike dhe alkooltestues. Gjatë 72 orëve të fundit, nga monitorimet me Poliscan, gjatë orëve të vona të natës janë konstatuar shpejtësi nga 150 km/h deri në 174 km/h, në zona ku shpejtësia maksimale e lejuar është 90 km/h. Si rezultat i monitorimeve, gjatë 72 orëve janë pezulluar gjithsej 118 leje drejtimi, nga të cilat: 88 leje drejtimi janë pezulluar për qarkullim me shpejtësi deri në 174 km/h; 19 leje drejtimi janë pezulluar për drejtim mjeti, në efektin e alkoolit apo në gjendje të dehur; 11 leje drejtimi janë pezulluar për qarkullim në sens të kundërt. -12 drejtues mjetesh të arrestuar, nga të cilët 7 për drejtim mjeti në gjendje të dehur dhe 5 për drejtim mjeti pa leje drejtimi. Janë vendosur 2457 masa administrative: për shpejtësi mbi normën e lejuar; për shpejtësi dhe përdorim celulari; për shpejtësi dhe mosvënie të rripit të sigurimit; për shpejtësi, përdorim celulari dhe mosvënie të rripit të sigurimit gjatë drejtimit të automjetit; për parakalime të gabuara; mosvendosje të kaskës mbrojtëse etj. Monitorimi me mjetet inteligjente vijon në të gjitha rrugët e vendit. Policia e Shtetit apelon për të gjithë përdoruesit e rrugës që të zbatojnë me rigorozitet rregullat e qarkullimit rrugor, pasi të gjitha rrugët monitorohen nga mjetet inteligjente dhe patrullat e lëvizshme të Policisë Rrugore. Me qëllim rritjen e parametrave të sigurisë rrugore, Policia e Shtetit fton qytetarët që të denoncojnë në numrin pa pagesë 112, çdo rast të shkeljes së rregullave të qarkullimit rrugor.
