GREQI– Policia greke ka nisur një aksion kontrolli në 6 qeli të burgut të Hanias, të gjitha ku qëndronin shqiptarët. Kontrollet u bënë nga një njësi speciale të mbështetura dhe nga qeni anti-drogë. Mediat greke Protothema shkruan se kontrolli u bë nën sekret total dhe të burgosurit u kapën të papërgatitur. Kotrolli u zhvillua dhe në qelinë ku qëndronte kreu i mafias shqiptare në Greqi Klodian Lekocaj.
“Gjithçka është bërë në shkallë konfidenciale. Policia nuk ka sindroma fobike dhe ndërhyn në kohën dhe vendin që i sheh të dobishme dhe të nevojshme. Në Burgjet e Chanias të Kretës ka vite që nuk ka ndodhur një ndërhyrje e tillë policore”, tha një agjent i policisW për mediat.
Klodian Lekocaj është i burgosur që prej shtatorit të vitit 2018 në burgun e Koridalos në Athinë. Lekocaj ka pasur një ndikim të madh mbi mafien në Greqi. Edhe pse ai është i burgosur ka arritur gjithmonë që t’u japë urdhra “ushtarëve” të tij nga qelia. Ai akuzohet për vrasjen e dy shqiptarëve Albert Bako dhe Bandiol Tusha në burgjet greke. Po ashtu Lekocaj akuzohet edhe për bashkëpunim në vrasjen e avokatit grek Mihalis Zafiropoulos
