DURRËS: Policia Rrugore e Durrësit nga monitorimet e bëra në të gjitha akset e qarkut ka bërë me dije se shume drejtues të mjeteve pavarsisht gjobave të marra ende nuk zbatojnë rregullat e qarkullimit rrugor. Nga kontrollet e kryera bëhet me dije se janë vënë në pranga 5 persona, këta të fundit janë identifikuar të dehur teksa drejtonin mjetin,sakaq në total janë vënë 179 gjoba sa i takon parakalimeve të gabuara.
Si rezultat i intensifikimit të kontrolleve:
- Gjatë 1 jave, janë arrestuar në flagrancë 5 shtetas për drejtim mjeti, në gjendje të dehur dhe 1 shtetas tjetër për drejtim mjeti, pa leje drejtimi.
- 179 drejtues mjetesh janë ndëshkuar për parakalime të gabuara;
- 16 drejtues mjetesh janë ndëshkuar për përdorim të celularit, gjatë drejtimit të mjetit;
- 9 drejtues janë ndëshkuar për qarkullim me shpejtësi tej normave të lejuara;
- 26 drejtues mjetesh janë ndëshkuar për mosvendosje të rripit të sigurimit;
- 1 drejtues motomjetesh janë ndëshkuar për mosvendosje të kaskës mbrojtëse;
