BRUKSEL– Policia belge ka zbarkuar këtë të martë në zyrat e selisë së Partisë Popullore Europiane. Raportohet se Policia ka sekuestruar kompjuterët e Mario Voight, kreu aktual i CDU. Në një deklaratë zyrtare pas kontrollit, Partia Popullore Evropiane konfirmoi se përfaqësues të autoriteteve policore belge dhe gjermane vizituan selinë e partisë në Bruksel.
“Partia po bashkëpunon me transparencë të plotë me autoritetet e përfshira, duke ofruar të gjithë informacionin dhe dokumentacionin përkatës,”- thuhet në deklaratë.
Mësohet se policia sekuestroi kompjuterë në lidhje me një hetim në vazhdim për korrupsion të dyshuar gjatë fushatës zgjedhore të BE-së 2019. Ligjvënësi i CDU, Mario Voigt, ishte Menaxheri i Fushatës Dixhitale për liderin e EPP Manfred Weber gjatë fushatës zgjedhore evropiane 2019, dhe hetimet përqendrohen në dhënien e kontratës për fushatën dixhitale një kompanie në Thuringia, sipas raporteve të mediave gjermane. Voigt tani është lider i CDU-së në Turingi. Shtatorin e kaluar, komiteti gjyqësor i parlamentit të shtetit Thuringia hoqi imunitetin e tij ligjor në pritje të hetimit nga prokurori publik gjerman, megjithëse është e paqartë nëse ky rast ka lidhje.
