TIRANË– Gjykata e Posaçme Kundër Korrupsionit dhe Krimit të Organizuar ka dënuar me 8 vite e 8 muaj burg Gentian Malindin. Ai akuzohet se se është porositës i 137 kg kokainë të kapura në 2019 në Portin e Durrësit. Malindi kishte kërkuar gjykim të shkurtuar, kërkesë që dhe u pranua nga Gjykata. GJKKO njofton se tashmë mbi 46-vjeçarin rëndojnë akuzat e “Trafikimi i narkotikëve”, kryer në bashkëpunim, “Grupi i strukturuar kriminal” dhe “Kryerja e veprave penale nga organizata kriminale dhe grup i strukturuar kriminal”.
Gentian Malindi ishte shpallur në kërkim që në vitin 2019 për porositjen e 137 kilogramëve kokainë që u gjurmuan e zëvendësuan me oriz. Ai u shpall në kërkim nga Policia dhe ra në prangat e tytre pas 3 vitesh kërkime. Ai u arrestua në afërsi të Vlorës teksa udhëtonte me makinëne tij.
