DURRËS– Kryeministri Edi Rama ka mbajtur fjalën e tij në ceremoninë e nënshkrimit të marrëveshjes për nisjen e punës për “Durrës Marina”. Rama tha se projekti “Marina&Jahtet e Durrësit” nga sot do të nisë punën për tu jetëzuar. I pranishëm në mënshkrimin e marrëveshjes ishte edhe vetë investitori arab, Mohammed Alabbar.
Edi Rama: Të ecim përpara, ka qenë projekt i vështirë. Me firmosjen e kontratës, ky proces përfundon dhe nis procesi i çeljes së kantierit, i fillimit të punës dhe hapjes së një fronti të ri punësimi. Dua të ndalem në pak minuta, pasi të tjerat janë thënë e stërthënë. Durrës Marina hyn në ekonominë shqiptare si lokomotivë, si një konkurrent në tregun ndërkombëtar. Do të ofrojë shërbime të një cilësie të padiskutueshme, profile pune të mirëpaguara për shumëkënd dhe nuk do të ketë më asnjë arsye për dikë që do të punojë që ta shikojë të ardhmen jashtë vendit. Durrës Marina do të sjellë njerëz nga Durrësi dhe jo vetëm për të punuar këtu në Shqipëri. Për natyrën e këtij investimi është pozicioni në radhën kryesore të konkurrentëve në Mesdhe. Durrës Marina duhet të bëjë realitet këto që ne i dimë nga këto konkluzicione logjike të një investimi, më i madhi në rajon. Thonin shikoni ç’bëhet në Maqedoni, shikoni ç’bëhet në Malin e Zi. Ky investim është një themel i ri për Shqipërinë turistike, Shqipërinë e të nesërmes. Një vend që krijon besim dhe shfaq potencial. Investim i qendrushem në raport me mjedisin. Pak është folur për transformimin e vijës bregdetare në plazhin më të madh. Parametrat mjedisore do të transformohen. Një investim që do e gëzojnë shqiptarët të parët. Pasi do të krenohen më shumë se të gjithë.
