Porti turistik i Durrësit/ Berisha: Dubai i familjes së Ramës, BE të hetojë mega aferën!
Kreu i PD Sali Berisha denoncoi edhe një herë sot atë që e konsideron si mega aferë, ndërtimin e portit të ri turistik të Durrësit. Berisha thekson se Rama po e shndërron portin e Durrësit në Dubain e familjes së tij. Kryedemokrati tha se kostoja për transportin e mallrave në Shqipëri do rritet ndjeshëm, pasi ndërtimi i portit të ri në Porto Romano do kërkojë së paku një dekadë për t’u kompletuar.
Porti i Durrësit që në shekuj dhe mijëvjeçarë i ka dhënë Shqipërisë rolin më të rëndësishëm dhe më strategjik në rajon, përcaktohet nga Komisioni i Transporit të BE së bashku me portin e Tivarit, si njëri nga dy portet të rëndësisë strategjike për BE-në, çka do të thotë për rajonin dhe transportin në kuadrin e kësaj hapësire. Edi Rama pa asnjë konsultë paraprake me qytetarët e Durrësit, me grupe interesi, dhe me asnjë tjetër përveç xhepit dhe llogarive të tij, de facto po shndërron Portin e Durrësit në Dubai të familjes së tij. Afera e Portit të Durrësit deri më sot është afera korruptive më gjigante në Evropë. Informoj qytetarët shqiptar se nga ky vendim korruptiv, antiligjor i Edi Ramës, Rama dhe kompania e tij përvetësojnë mbi 1 milionë metër katror truall për ndërtime, baraz kjo me 3 miliardë euro.
Në këtë aferë me pasoja të rënda strategjike për vendin, që synojnë defaktorizimin e Shqipërisë dhe të rolit të saj strategjik në transportin në BE dhe NATO, Rama parashikon me makinerinë e mashtrimit të tij investim në 2 miliardë euro në atë që quhet marinë turistike. Njeriu që ka marrë përsipër të bëjë këtë investim ka patur një zotim për investim në 4 miliardë euro buzë Savës në Beograd dhe ka përfunduar në një investim prej 20 milionë euro. Atje prapa tij qëndron Vu çi ç, këtu prapa tij qëndron vasali i tij Rama.
Dëmi është i pallogaritshëm, sepse taksapaguesit shqiptarë gjobiten dhe së paku me 1 miliardë euro, që sipas Ramës do përdoren për ndërtimin e portit të ri në Porto Romano. Po të keni parasysh që ky ndërtim kërkon të paktën 1 dekadë për t’u kompletuar, kostoja për transportin e mallrave në Shqipëri rritet në mënyrë të ndjeshme. Një gjobë e re për taksapguesit shqiptar”.
Berisha i bëri thirrje Bashkimit Evropian të mos lejojë këtë mega aferë, duke kërkuar prej Brukselit nisjen e një hetimi mbi çështjen.
Me këtë rast denoncoj edhe një herë publikisht këtë aferë korruptive të përmasa të papara. I kërkoj Ramës të heqë dorë menjëherë nga përpjekjet për ndërtimin e Dubait të tij dhe familjes së tij. E garantoj që ajo s’do ndodhë, dhe i kërkoj Alabbarit të heqë dorë dhe mos keqpërdoret nga kryeministri më i korruptuar it ë gjitha kohërave në Shqipëri. I bëj thirrje BE-së të përdorë gjithë autoritetin e saj për të ndaluar këtë aferë korruptive, të nis një hetim dhe të bëjë gjithçka që porti të mbetet”.
