TIRANË– Po zhvillohet me debate mbledhja e Komisionit të Ligjeve ku ministrja e Arsimit dhe Sportit Evis Kushi po prezanton projektligjin që detyron studentët e mjekësisë që fillojnë këtë vit të punojnë për 5 vite në Shqipëri pas diplomimit. Ajo është përfshirë në debate dhe diskutime me deputetet Erisa Xhixho, Dhurata Xhixho. Në debat ndërhyrë dhe kryetarja e Komisionit Klotilda Bushka.
Debati:
Evis Kushi:: Po e bëjmë për të parandaluar largimin e mjekëve dhe për të plotësuar nevojat. Është një ligj që vjen si rezultat i prevalimit dhe nevojës për të përmbushur nevojat për mjekë!’
Erisa Xhixho: Kjo qeveria tani u kujtua se tani kemi të bëjmë më largimin e të rinjve. Pse nuk u mor ky diskutim që një vit para. Pse nuk u bë një diskutim i gjerë publik. Duhet të bëhet një diskutim i gjerë me të gjithë studentët. Unë jam në mbështetje të kërkesës për të bërë këtë dëgjesë dhe t’i thirrim këta studentë. Është e shëmtuar që studentët mos të dëgjohen studentët.
Dhurata Çupi: Ta pezullojmë të marrim studentët në dëgjesë. Është turp për ne që nuk i dëgjojmë. Është arrogancë e tepruar. Pse mos t’i dëgjojmë.
Klotilda Bushka: E di ti pyetjen duhet ta kishe bërë kërkesën që të premten.
Evis Kushi: Sa i takon konsultimit publik ju nuk e gjeni në atë tabelë pasi është me procedurë të përshpejtuar, por ligji është konsultuar me studentët.
