DIMAL-Një aksident është regjistruar mbrëmjen e sotme në aksin rrugor Dimal-Lushnje në fshatin Gajdë. Mësohet se një automjet tip “Benz” ka dalë nga rruga dhe ka përfunduar në kanal. Mjeti drejtohej nga 75-vjeçari Lefter Ndrio. I moshuari po udhëtonte në drejtim të qytetit të Beratit dhe sapo ka dalë nga kthesa e Urës së Kuçit, ka humbur kontrrollin e makinës.
Fatmirësisht ai dhe bashkëshortja e tij janë nxjerrë nga makina me ndihmën e banorëve të zonës dhe mësohet se nuk kanë pësuar lëndime serioze. Në vendin e ngjarjes ka mbërritur dhe policia e grupi hetimor të cilët po hetojnë dhe shkaqet e aksidentit.
Sipas uniformave blu mendohet se 75-vjeçari ka humbur kontrrollin e mjetit pasi është verbuar nga dritat e makinave përballë. Ky aks rrugor ësëhtë pa ndriçim ç’ka e vështirëson udhëtimin e qytetarëve duke u bërë dhe burim aksidentesh si ky i kësaj mbrëmjeje që për fat të mirë nuk përfundopi me viktima.
