BRITANI E MADHE- Vala e emigrantëve të paligjshëm që sa vijnë e shtohen në kanalin e “La Manshit”, ka shtuar rrezikun e incidenteve në det. Kështu një tjetër gomone në bordin e së cilës ndodheshin 50 emigrantë ka rrezikuar të mbytet në kanal. The Time shkruan se oficerët e Forcave Kufitare shpëtuan 50 emigrantë nga një varkë e dytë që u përmbys në të njëjtën natë kur katër persona vdiqën në Kanal këtë javë.
Bëhet e ditur se 5 nga emigrantët ranë në ujë por që fatmirësisht u shpëtuan në kohë nga autoritetet që kanë shtuar vigjelencën pas tragjedisë së 14 dhjetorit ku një gomone u fundos dhe për pasojë 4 emigrantë humbën jetën në ujërat e ftohta të “La Manshit”. Nuk dihet ende nëse në mesin e emigrantëve që ndodheshin në gomone kishte shqiptarë.
