Është arrestuar një 48 vjeçar nga Burreli pasi ka ushtruar dhunë fizike dhe psikologjike ndaj bashkëjetueses së tij. Bashkëjetuesja e tij si pasojë e dhunës është dërguar për mjekim në spitalin psikiatrik në Tiranë. Sipas njoftimit të policisë 48-vjeçari, për të justifikuar dhunën ndaj bashkëjetueses, kishte paguar një shtetas nga Kosova, për ta shëruar, pasi pretendonte se i kishin bërë magji. Gjithashtu, së bashku me 48 vjeçarin është proceduar edhe një 36 vjeçar i cili vinte nga Kosova në banesën e autorit për të shëruar 33-vjeçaren. Gjatë kontrollit në banesën e 48-vjeçarit u gjetën dhe u sekuestruan 380 fishekë luftarakë.
