ITALI– Një 39-vjeçar shqiptar, identiteti i të cilit nuk është bërë ende me dije është vënë këtë të shtunë në prangat e Poliicsë italiane pasi ishte shpallur në kërkim për trafik droge. Shqiptari ishte në kërkim nga drejtësia italiane prej 10 vitesh dhe lëvizte nëpër vende të ndryshme të Europës duke përdorur identitette të rreme.
Mediat italiane shkruajnë se 39-vjeçari u pikas gjatë një kontrolli rutinë të automjeteve që lëviznin në në zonën e Rifredit. Në një moment të kontrollit shqiptari filloi të shfaqte shenja nervozizmi dhe për të justifikuar shqetësimet e tij gjithnjë e më të dukshme në sytë e policisë, ai nxori nga xhepi rreth 5 gramë kokainë, duke ia dorëzuar vetë policit para se ai të zbulonte drogën e fshehur në makinë.
