LUSHNJE– Është gjetur pa shenja jete në një kanal në fshatin Plug të Lushnjës 59-vjeçari i shpallur në kërkim disa ditë më parë nga familjarët. Raportohet se në trup nuk i jaën konstatuar shenja dhune ndërsa trupi është dërguar në morg ku do të kryehet dhe ekspertiza mjeko-ligjore. Paraprakisht dyshohet se vdekja të ketë ardhur për shkaqe natyrale. Familjarët e viktimës prej ditësh kishin denoncuar në polici zhdukjen e tij.
NJOFTIMI I POLICISË:
Me datë 29.05.2023, rreth orës 14:25, është gjetur pa shenja jete dhe pa shenja dhune, në një kanal në fshatin Plug, shtetasi A. K., 59 vjeç. Ky shtetas ishte shpallur në kërkim nga Komisariati i Policisë Lushnjë, për largim nga banesa në datë 27.05.2023. Paraprakisht dyshohet se 59-vjeçari ka ndërruar jetë për shkaqe natyrale. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
