SARANDË– Zhdukja e dy 46-vjeçarëve Leonard Thodhori alias ‘Koçolja’ e Fatmir Sulovari alias Fatmir Krasniqi në Sarandë vijoin të mbetet ende një nga misteret më të mëdha të bluve të Sarandës, të cilët prej ditësh të mbështetur dhe nga Forcat RENEA dhe Forcat e Ndërhyrjes së Shpejtë janë në kërkim të trupave të tyre pasi ka dyshime të forta se ata janë vrarë dhe groposur në zonat përreth. Këtë të mërkurë një tjetër makinë, tip “Jeep Cherokee”, me targa greke BOO-9195 është sekuestruar në Sarandë, në një parcel mandarinash pasi dyshohet se ka lidhje mezhdukjen e tyre.
Dyshimet kryesore të grupit hetimor të ngritur për hetimin e ngjarjes janë se Koçolja dhe Sulovari janë vrarë e groposur në fshatin Vrinë. Leonard Theodhori, 46 vjeç i njohur si “Koçole”. I dënuar disa here. I dyshuar si pjesëmarrës në Masakrën e Qafë-Gjashtës në vitin 1997 ku u vra oficeri i policisë Gjergj Mehmeti. Në vitin 2003 ka qenë prezent ne automjetin që drejtohej nga Andrea Gjini para se ky i fundit të vriste biznesmenin Jaho Bajo. I arrestuar po atë vit për “moskallezim krimi” lidhur me një ngjarje tjetër të kryer nga Gjini. I arrestuar më pas per “vjedhje” e “mashtrim”. Përdorues i lëndëve narkotike dhe i dyshuar si i perfshirë në trafik lëndësh narkotike. Fatmir Sulovari alias Fatmir Krasniqi, 46 vjeç. I dënuar më parë për “armëmbajtje pa leje” dhe “plagosja e lehtë me dashje”. I arrestuar ne prill 2022 ne Lushnje, pasi ne mjetin e tij “BMË” X5 u gjet nje sasi cannabis sativa e ndarë në doza gati për shitje.
