TIRANË– Familjarët e të riut Jani Rustemaj, i cili vdiq në Qendrën Spitalore Universitare “Nënë Tereza” kanë protestuar këtë të hënë para Ministrsië së Drejtësisë. Ata sërish kanë akuzuar ndaj Policisë për dhunë ndaj 27-vjeçarit, i cili u arrestua për vjedhjen e një tapeti. Nëna e Rustemajt ka treguar dhe pamjet e kufomës së të birit që sipas saj ka pasur dhëmbin e thyer dhe buzën e qepur.
Ndërkohë dhe familjarët e tjerë janë shprehur se nuk janë lejuar që ta shohin të riun në spital. Sipas tyre në pjesën e njëri prej veshëve ai kishte një të nxirë. Ata deklarojnë se Policia nuk ka të drejtë që të dhunojnë askënd dhe se kërkojnë vetëm dreëjtësi për rastin.
Nëna: I kanë thyer këmbët djalit me dru.
Familajri: Kontrollova djalin dhe ka pasur dhëmbin e thyer dhe pjesën e veshit të nxirë. Në Spital nuk na lejonin ta shikojmë. Nuk e dimë se s’na lejonin ta shohim. Do të vazhdojmë protestat dhe do të kërkojmë të drejtën kudo. Policia nuk ka të drejtë të prekë një njeri me dorë. Çfarëdolloj krimi të kenë bërë. Askush s’ka të drejtë të dhunojë askënd.
Jani Rustemaj, 27 vjeç ndërroi jetë të shtunën në Qendrën Spitalore Universitare “Nënë Tereza” pas qëndrimit prej më shumë se një muaji në koma. Ai u arrestua nga efektivët e Komisariatit numër.3 për vjedhjen e një tapeti. Pas shoqërimit në Komisarit sipas Policisë dhe Drejtorisë së Burgjeve i riu është ndjerë keq dhe është thirrur ndihma mjekësore. Më pas i riu është qetësuar por një ditë më pas është ndjerë sërish keq. Familajrët akuzojënPolicinë për dhunë dhe QSUT për moskujdesje. Ndërkohë këtë të hënë Prokuroria e Tiranës ka nisur hetimet në lidhje me ratin.
