Presidenti Biden shërohet nga Covid 19
Pasi kaloi 5 ditë në izolim, Presidenti Joe Biden ka rezultuar negativ për COVID-19. Bëhet me dije se Biden është rikthyer këtë të mërkurë në punë.
Simptomat e mia ishin të lehta, shërimi im ishte i shpejtë dhe ndihem mire.
Kështu tha Biden në një fjalim që ai mbajti nga Kopshti i Trëndafilave të Shtëpisë së Bardhë.
Biden bëri dy teste të antigjenit, një të martën në mbrëmje dhe një të mërkurën në mëngjes, që të dyja ishin negative.
Kështu njoftoi mjeku i presidentit, Dr. Kevin O’Connor.
Presidenti do të mbajë një maskë të përshtatshme për 10 ditë për të parandaluar përhapjen e virusit dhe do të rrisë frekuencën me të cilën do të testohet për të zbuluar për çdo rishfaqje të mundshme të virusit.
