TIRANË– Presidenti Federal i Republikës së Austrisë, Alexander Van der Bellen, do të zhvillojë një vizitë shtetërore në Shqipëri me ftesë të Presidentit, Bajram Begaj. Ai do të vijë në Shqipëri në datat 26-28 mars, gjatë së cilës do të jetë i shoqëruar edhe nga bashkëshortja e tij, Doris Schmidauer.
Begaj do ta mirëpresë Van der Bellen në Institucionin e Presidentit më datë 27 mars, në një ceremoni shtetërore dhe dhe ndër të tjera është parashikuar edhe një konferencë e përbashkët për shtyp e dy presidentëve.
Presidenti Bellen do të zhvillojë takime të nivelit të lartë, si dhe do të marrë pjesë së bashku me Begaj në një forum ekonomik me përfaqësues të biznesit austriak në Shqipëri.
Kjo vizitë vjen 9 vjet pas asaj së ish-Presidentit austriak Heinz Fischer në Tiranë.
