TIRANË– Presidentja e Hungarisë Katalin Novak ka mbërritur në Tiranë ku do të nisë një vizitë zyrtare. Ajo u takua me hoomolgun shqiptar Bajram Begaj, i cili e priti në ambientet e Presidences me një ceremoni të lartë shtetërore.
Në qendër të bisedimeve do të jenë zhvillimi i marrëdhënieve politike dhe ekonomike midis dy vendeve, bashkëpunimi me Hungarinë në funksion të procesit të integrimit të Shqipërisë dhe vendeve të tjera të Ballkanit Perëndimor, zhvillimet në rajonin e Ballkanit Perëndimor, si dhe zhvillimet e reja gjeopolitike të ndikuara nga agresioni ushtarak rus në Ukrainë.
Sipas axhendës, pas takimit “kokë më kokë” që dy liderët do të kenë me njëri-tjetrin ata do të zhvillojnë një konferencë të përbashkët për mediat.
