TIRANË– Paraditen e sotme ka hedhur në erë hotelin “Prestige”, në pronësi të Irfan Hysenbelliut. Në fjalën e tij, live në televizionin e tij, Irfan Hysenbelliu u shpreh se ngjarja e sotme është një goditje ndaj tij dhe biznesit në vend. Hysenbelliu pranoi se ka patur marrëdhënie të afërta me qeverinë por se tani nuk ka më shpresë për vendin ndaj edhe u shpreh se u kishte bërë thirrje fëmijëve të tij, që të largohen nga vendi. E po ashtu, theksoi se kishte hapur degën “NEWS 24” në Shtetet e Bashkuara të Amerikës.
“U proncova tani se nuk doja të ndërhyja më parë. është hakmarrje. Nuk mendoj që kryeministri i një vendi mund të bëjë një gjë të tillë. Fëmijët e mi u shkolluan në Londër dhe i riktheva këtu për të dhënë një shembull. Nuk kam folur për shkak se nuk doja. Unë kam provuar edhe ’97. Kjo tregon pse ka emigrim pa masë. Fëmijët shkojnë në Angli. Thonë fëmijët atje më mirë në burg sesa të rrinë në vendin tonë. Unë do vazhdoj që të punoj këtu. Kam marrë një vendim për të investuar këtu. Unë edhe fëmijëve të mi u them që të ikin nga ky vend, se me njerëz të tillë nuk dërgohet vendi para. Kjo nuk ka ndodhur as në kohën e Enver Hoxhës. Më vjen keq për vartësit e tij. Më vjen keq për Dallandyshe Bicin që më merrte në telefon shpesh, tani s’ma hap. Rama më jepte ide dhe më zgjidhte arkitektin. Bashkia e Kavajës merrte taksa, Tatimet merrnin tatime. Paguajmë 100% rroga. Familja ime është e prekur nga këto pamje. Nuk e kam parë se nuk u besoja syve për atë që shihja. E hapa atje degën e Neës24, atje do të jem me njerëz që nesër kërkojnë drejtësi, kanë fuqi. I kërkoj ndjesë Taulant Ballës, se ata njerëz ishin të irrituar se humbasin bukën e gojës. Balluku e di shumë mirë sa herë takohej tek unë sa herë i ikte pushteti. Po bëjnë përpjekje për të gjetur shkelje ligjore. E mora birrën Tirana dhe të gjithë thoshin evazion…që ditën që kam shkuar unë nuk ka evazion. Nuk ka atje ku shkoj unë. Në kohë epidemie nuk na dha asnjë ndihmë. Ndodhi zjarri. Prapë i kam mbajtur në punë puntorët. Akcizën e ka dyfishuar vetëm për mua. Unë nuk do falimentoj se jam shumë i zoti. Kur Edi Ramën e ka rrahën iku në Paris, t’ja dijë për nder Fatos Nanos dhe Ilir Metës. Tani ka marrë pushtet, por është fundi i tij. Mendoj se qytetarët do zgjohen. Në SHBA kam hapur degën e News24. Ai është zë i madh i botës. Atje do të jem me njerëz që nesër kërkojnë drejtësi. Me njerëz që luftojnë korrupsionin. “-tha Irfan Hysenbelliu.
