Ish kreu i grupit ushtarak Wagner, Yevgeny Prigozhin u konfirmua i vdekur pas testeve gjenetike në trupin e gjetur pas aksidentit ajror në Moskë, por një video e re duket se po ngatërron gjithçka.Ushtaraku i frikshëm rus Prigozhin në disa pamje të pabesueshme të publikuara sot duket se komenton mbi “eliminimin e tij te deshtuar”.
Zhvillimi vjen mes një vale teorish konspirative që thonë se ai mund t’i ketë shpëtuar vdekjes duke vendosur një sozi në avionin fatkeq që u përplas në Rusi më 23 gusht.Shumë në Perëndim besojnë se vdekja e Prigozhin ishte hakmarrja e Vladimir Putin për një tentativë grusht shteti që ai drejtoi në qershor.Por në pamjet e reja që po shfaqen vazhdimisht në media, 62 vjeçari Prigozhin, shihet në veshjet tipike ushtarake duke thënë: “Kjo është për ata që diskutojnë nëse jam ende gjallë apo jo”.
“Si ndjehem? Eshtë fundjavë, është fundi i gushtit dhe jam në Afrikë. Kështu që ata që diskutojnë për eliminimin tim, jetën private apo fitimet e mia, u them se çdo gjë është në rregull”.
Video është publikuar nga rrjeti Grey Zone, në Telegram i njohur si i lidhur me grupin Wagner. Në të nuk kishte komente, por më herët rrjeti thoshte: “Ai ka thënë më parë se të vdekurit nganjëherë mund të flasim më fort se të gjallët! Ndërkohë në varrezat e Porokhovskoye është kryer te marten funerali i Prigozhin, ku bashkëshortja 52 vjeçare Lyubov, dhe dy bijat morën pjesë.
Ekzistojnë spekulime të shumta që thonë se në avion në vend të Prigozhoin mund të kishte qenë një sozi pavarësisht faktit se pashaporta e tij u gjet mes rrënojave. Ky spekulim vjen nga fakti dihej që ai ishte paranojak për sigurinë e tij dhe përdorte disa sozi.
