Primaret në Tiranë/ Kalaja: Me këtë proces PD del me e fuqishme përballë këtij regjimi

TIRANË– Kandidatja në primaret e PD në bashkinë e Tiranës Adriana Kalaja pasi votoi në selinë blu u shpreh se ka besim në këtë proces! Ajo tha se nga kjo garë Partia Demokratike do të dalë më e fortë!

“Sot është një ditë shumë e bukur, historike. Ju e shikoni edhe vetë fluksin e demokratëve dhe simpatizantëve që presin. Ky është një proces historik jo vetëm për PD për gjithë Shqipërinë. Nga gara e sotme fiton PD, fiton Tirana me 14 maj, fiton Shqipëria në ditët në vijim. Unë do pranoj të gjithë rezultatin që do dalë nga ky votim dhe nesër do jem edhe nëse nuk jam fituese në krah të atij që do dalë fitues. Kam shumë besim tek ky proces sepse ky proces bashkon edhe PD. Edhe ata që deri dje kanë qenë pak skeptik lidhur me primaret, garën dhe të drejtën e votës. Mendoj se sot është moment që ti bashkohen kësaj gare. Sepse çdo gjë kalon nëpërmjet votës. Me këtë proces PD del me e fuqishme përballë këtij regjimi.’– u shpreh ajo.