TIRANË– Kandidati i primareve të Partisë Demokratike në Kamëz, Shemsi Prençi bëri të ditur se procesi i Primareve në Kamëz ka qënë i parregullt. I ftuar mbrëmjen e sotme në ‘Të paekspozuarit’, Prençi tha se në listë kishte shumë emra përsëritës, votuan socialistë si dhe bëri një krahasim me votimet në Tiranë dhe në Kamëz.
‘Në listë kishte përsëritës disa herë, me numër serie të ndryshëm, çka do të thotë se atë e bën një dorë e kujdesshme. Kishte me shumicë anëtarë të PS dhe kryetar, sic ishte Dashamir Selimi, i cili u paraqit për të votuar. Kemi konstatuar prishje të procesit, unë tërhoqa vëzhguesit e mi, kam marrë 400 vota. Kauza ime ishte ti shërbej PD. Alimehmeti ka marrë në Tiranë vetëm 2 mijë e 40 vota, fituesi në Kamëz ka marrë 2 mijë e 800 vota, këtu vlerësojmë se çfarë është bërë në Kamëz. Dje kam parë se si mërziteshin demokratët. ‘, tha Prençi.
