BRITANI– Princi William ka njoftuar ditën e sotme ndarjen nga jeta të mikut të tij të ngushtë. Piloti Mark Jenkis dhe djali i tij Peter po fluturonin mbi Parkun Kombëtar Tsavo në Kenia kur avioni i tyre u rrëzua.
“Dje humba një mik i cili i kushtoi jetën e tij mbrojtjes së kafshëve të egra në disa nga parqet kombëtare më të famshme të Afrikës Lindore. Mark Jenkis dhe djali i tij Peter, u vranë tragjikisht teksa po fluturonin mbi Parkun Kombëtar Tsavo në patrullë ajrore”, shkroi Princi William.
Sipas detajeve të dhëna nga Shoqëria Zoologjike e Frankfurtit, Mark dhe Peter po kryenin një patrullë ajrore për David Sheldrick Wildlife Trust kur avioni u rrëzua. Mark ka punuar më parë për Shërbimin e Kafshëve të Egra në Kenia dhe Shoqërinë Zoologjike të Frankfurtit.
