ITALI– Davide Pecorelli, 47-vjeçari italian që inskenoi vdekjen e tij në Pukë të Shqipërisë është liruar nga burgu, dy ditë pasi u vu në pranga nga autoritetet italiane. Ndërkohë që pritej ekstradimi i tij drejt Shqipërisë ku dhe do të përballej me akuzat që prokuroria shqiptare ka ngritur kundër tij, mediat italiane shkruajnë se Gjykata e Apelit e ka shpallur të pavlefshëm arrestimin e tij duke e liruar nga burgu.
Prokurori kishte kërkuar edhe shpalljen e pavlefshme të arrestit, kërkesë e cila u pranua. Pecorelli u arrestua dy ditë më parë në Perugia, teksa policia shqiptare bëri të ditur se 47-vjeçari do të ekstradohej drejt vendit tonë.
Nga hetimet e Policisë së Perugias ka rezultuar se, në janar 2021, Pecorelli për të shmangur borxhet financiare të kontraktuara në Itali, i kishte vënë flakën në fshatin Rras të Shqipërisë, një makine të marrë me qira, brenda së cilës ai kishte futur mbetje të eshtrave njerëzore për të simuluar vdekjen e tij. Më pas, ai u gjet i gjallë më 17.09.2021, në ishullin Montecristo (Itali). Aktet e shpalljes së tij në kërkim ndërkombëtar i janë dërguar Prokurorit të Përgjithshëm të Perugias dhe arrestimi do të vërtetohet nga Gjykata e Apelit e Perugias këtë të hënë.
