TIRANË– Prokuroria e Posaçme Kundër Korrupsionit dhe Krimit të Organizuar (SPAK) ka vendosur në sekuestro preventive bazën detare në Sarandë. Raportohet se vendimi lidhet me denoncimin e Artur Meçollarit për privatizimin e pronave të ushtrisë.
Lidhur me këtë çështje SPAK ka marrë në pyetje shefin Shtabit të Përgjithshëm të Forcave të Armatosura, aktualisht deputet i PS-së, Bardhyl Kollçaku Ai u paraqit në Prokurorinë e Posaçme bashkë me Artur Meçollarin, denoncuesin e tij.
Ish-zëvendës shefi i forcave detare, ka akuzuar në mars të 2021 të gjithë zyrtarët e lartë, përfshirë edhe ish-ministren e Mbrojtjes aso kohe, Olta Xhaçka dhe Presidentin Bajram Begaj. Një thirrje nga Prokuroria, e ka marrë dhe ministrja për Evropën dhe Punët e Jashtme Olta Xhaçka në cilësinë e pozicionit që ka pasur dijeni për ngjarjen. Denoncimi nga ana e Meçollarit u bë për dy prona, një në Shëngjin dhe një në Sarandë të cilat sipas tij janë dhënë pa leje i janë dhënë privatit.
