TIRANË– Kryetari i Komisionit Qëndror Ilirjan Celibashi ka komentuar sërish problemet e hasura me pajisjet e identifikimit dhe votimit elektronik në këto zgjedhje. Po ashtu ai ka komentuar dhe situatën e paprecedentë në Divjakë ku u konstatuan disa fletë votimi të falsifikuara.
Pyetje: Dje thatë që do e verifikonit pjesë ne pajisjeve, nëse ishte njerëzore apo teknike?
Ilirjan Celibashi: Ajo që unë mendoj deri tani, mund të kemi nevojë për të sjellë ekspertë të huaj, ata që nuk kanë nevojë, natyrisht që s’do sjellim. Gjithsesi, jo se dua të justifikohem në këtë situatë, mund të jem dhe i gabuar. Por ka marrë më shumë vëmendje se sa ka merituar. Gjithsecili do japë vlerësimin e tij. Do të verifikojmë të gjitha aspektet e këtij procesi.
Pyetje: Fletët e votimit në Divjakë janë bërë me të njëjtën kompani?
Ilirjan Celibashi: Fletët e votimit printohen në një kompani jashtë vendit prej shumë vitesh, aty janë printuar, mund të jetë rasti që dikush është marrë me këtë, mund të ketë prodhuar fletë të votuara të falsifikuara.
