Policia e Lezhës ka proceduar penalisht një 44-vjeçar, banues në Tiranë, pasi është kapur duke transportuar veshje të firmave të ndryshme, pa deklaratat e origjinave si dhe pa fatura tatimore.
Në total janë sekuestruar 1563 artikuj veshje sportive, me vlerë totale rreth 2 000 000 lekë.
NJOFTIMI I POLICISË:
Drejtoria Vendore e Policisë Lezhë
Goditet një rast i shkeljes së pronësisë industriale për shkak se transportonte veshje të firmave të ndryshme, pa deklaratat e origjinave si dhe pa fatura tatimore përkatëse.
Sekuestrohen 1563 artikuj veshje sportive me vlerë totale rreth 2 000 000 lekë, proçedohet penalisht poseduesi i tyre.
Specialistët e Seksionit për Hetimin e Krimeve Ekonomike-Financiare kanë referuar materialet hetimore në Prokurori për fillimim e proçedimit penal ndaj shtetasit F. Ll., 44 vjeç, banues në Tiranë, për veprat penale “Shkelja e të drejtave të pronësisë industriale”, “Fshehja e të ardhurave” dhe “Mospagim i taksave dhe tatimeve”.
Ky shtetas, në fshatin Rrasfik, Mirditë, në rrugë, është konstatuar dhe ndaluar nga shërbimet e Policisë me automjetin e tij tip “Benz”, ku pas kontrollit të mjetit iu gjetën 1563 pako me veshje të firmave të ndryshme, për të cilat nuk dispononte asnjë dokument mbi origjinën e tyre si dhe as faturë tatimore përkatëse. Vlera totale e mallrave të sekuestruar është rreth 2 000 000 lekë të reja.
Materialet procedurale iu referuan Prokurisë për veprime të mëtejshme.
