TIRANË– Ministri i Mjedisit i Kosovws Liburn Aliu e konsideron projektin e Portit të Durrësit një investim që do sjellë përfitime ekonomike për Shqipërinë dhe për Kosovë. Gjatë prezantimit të projektit, Aliu tha se Prishtina do jetë qendër e shpërndarjes së këtyre kontejnerëve.
‘Besoj se kur të bëjmë lidhjen hekurodhore, do të kemi mundësi që kapaciteti i Portit të Durrësit të rritet, Prishtina do jetë pikë që do grumbullojë mallra nga porti i Durrësit. Prishtina, Shkupi dhe Struga do bëhen pika të rëndësishme. Krijohet një ndërvarësi të Kosovës, me Shqipërinë, Srugën dhe Durrësin. Kjo sjell progres të madh. Janë hap ofertat dhe sëshpejti do kemi studimet e rezultatit të fizibiliteti. Kjo do na i hapë dyert që në BE dhe kudo të ofrojmë si projekt lidhjen e portit të Durrësit me Prishtinën dhe Durrësin ta bëjmë të arët për gjithë regjionin, përmes korridorit 8, por edhe lidhjes hekurudhore. Prishtina do jetë qendër e shpërndarjes së këtyre kontejnerëve, që tani janë të lidhur përmes rrugës së kombit. Në këtë fazë, 30% e mallrave që vijnë në portin e Durrësit vijnë në Kosovë.’, tha Aliu.
