TIRANË- Banorët e Bërxullës kanë vijuar me protestat e tyre, ku këtë te diele është përshkallëzuar, pasi kanë bllokuar rrugën e Rinasit. Bëhet me dije se këta të fundit janë përplasur me blutë e kryeqytetit, e cila u ka kërkuar që të lirojnë rrugën. Ndërsa banorët e kanë kundërshtuar këtë gjë, duke theksuar se nuk do të lëvizin nga aty.
“Nëse doni bëni video apo çfarë të doni, nuk lëvizim”, tha një banore.
“Pse nuk vjen shteti të fusë në burg koncensionarin, nuk dorëzohemi”, tha një tjetër banor.
Banorët e Bërxullës tashmë prej disa muajsh kundërshtojnë projektin e rrugës Thumanë-Kashar që prek banesat e tyre, ku ata pretendojnë se bashkia Tiranë nuk ka bërë asnjë marrëveshje me ta, dhe asnjë përfaqësues qeveritar nuk ka shkuar që t’i takojë.
