Në datën 12 shtator Policia arrestoi këngëtaren Ruenca Haxhia, e njohur me emrin e artit Enca. Gjatë kontrollit të ushtruar në banesë këngëtares iu gjetën në ballkon 5 vazo të mëdha të mbjella me kanabis.
Pas arrestimit, këngëtarja ka thënë se është përdoruese dhe e ka për përdorim vetjak. 27-vjeçarja është kapur bashkë me të dashurin e saj.
Ditën e sotme Prokuroria e Tiranës ka kërkuar rikthimin në qeli të këngëtares.
Ajo qëndroi vetëm dy ditë në qeli, teksa në seancën për caktimin e masës gjykata e Tiranës e nxori me ‘detyrim paraqitje’.
Përkundër kërkesës së Prokurorisë që kërkonte vijimin e hetimeve nën masën arrest në burg.
Organi i akuzës ka ankimuar në Apel vendimin e shkallës së parë.
