TIRANË– Kryetari i Partisë Demokratike Sali Berisha ka zbardhur detaje të tjera nga protesta e opozitës që pritet të zhvillohet nesër në orën 12:00 para Kryeministrisë. Gjatë konferencës së përjavshme me gazetarët kryedemokrati tha se me protestën nesërme hapet sipari i një revolucioni deri në trumf. Po ashtu lideri demokrat tha se “hajdutëve që jetojnë mes qytetarëve do u vendoset një tabelë tek shtëpia në mure”, për t’u identifikuar si të tillë.
Sali Berisha: Të gjitha variantet janë të mundshme, është e hapur sipari i një revolucioni që fillon me protestën e nesërme deri në triumf, do ketë protesta të vogla. Këta hajdutë që banojnë midis qytetarëve të paktën një tabelë tek shtëpia do u vihet, në mure. Ata të cilët SKAPI i partisë i mbron, të banosh afër një krimineli elektoral dhe të mos u vendosësh tabelën, bëhesh bashkëfajtor. Kurrë s’do etiketohet një njeri i ndershëm dhe i paimplikuar. Këta si Veliaj, drejtoresha famoze e AKSHI që ka shpenzuar për mbi 200 milionë euro për tendera sekrete, ministra. Historia e fundit Rama-Balluku shpallet tenderi për pistën e garës së makinave në Elbasan. Shpallet sot, ndiqen procedurat., pas 3 ditësh shpall konkursin, vetëm kryetarë të jurisë, shpall fituesin. 4 kompani botërore duke punuar, paraqitur ofertat dhe e zeron këtë. Thotë e fiton 3 ditë pas shpalljes së tenderit. Këta kanë humbur çdo sens. Do fillojë praktika “emëroje dhe turpëroje”. Ta dinë qytetarët se po kalojnë afër një banese ku ka një hajdut të madh, gjë popullore por e dobishme.
