TIRANË– Kur na ndan më pak se 1 orë nga nisja zyrtare e protestës së thirrur nga opozita para parlamentit Polica e Shtetit, Forcat e Ndërhyrjes së Shpejtë dhe RENEA kanë nisur grumbullimin para oborrit të parlamentit dhe jashtë tij sipas planit të masave i hartuar. Mësohet se 1100 efektivë policie do të jenë në terren. Garda e Republikës do të jetë e vendosur brenda ambienteve të sallës plenare ndërkohë RENEA dhe FNSH do të ndërhyjnë në rast të përshkallëzimit të situatës.
Ndërkohë sipas gazetës “Si” Garda ka krijuar një kanal sigurie për të gjithë deputetët socialistë në rast se ka një përshkallëzim të tensionit në sallë. Dhe për kryeparlamentaren Lindita Nikolla është krijuar një rrugë e sigurt kalimi për çdo situatë të mundshme. Ndërkohë në të njëjten kohë që opozita do të protestojë kryeministri Edi Rama do të jetë në selinë e qeverisë pasi do të presë kryyeministrin bavarez.
